Մարինե Պետրոսյան

Իմ պատմությունը 

Ես երբեք չեմ հավատացել պարզ «լավ լինելու» խոստումներին։ Կյանքը բարդ է, և հաճախ մեր հարցերը չունեն արագ պատասխաններ։ Բայց ինչ-որ պահի հասկանում ես՝ այդ բարդության մեջ հնարավոր է գտնել ուղի, որը կհետաքրքրի հենց քեզ՝ ոչ թե այնպիսին, ինչպիսին ուրիշները սպասում են քեզնից։

Հոգեբանությունն ինձ համար ոչ թե պատասխաններ տալու, այլ՝ հարցերը ճիշտ հարցնելու արվեստ է։
Ես աշխատում եմ այնպես, որ դուք կարողանաք տեսնել ձեր կյանքի մոռացված կամ անտեսված մասերը՝ ոչ թե «փրկվելու», այլ ապրելու համար։

Ես հավատում եմ, որ յուրաքանչյուր ապրում, նույնիսկ ցավոտը, իմաստ ունի։ Եվ երբ նայում ես դրա արմատներին՝ փոխվում է քո ամբողջ տեսանկյունը կյանքի հանդեպ։

Իմ աշխատանքում ես չեմ փորձում ձեզ դարձնել «ավելի լավը», այլ ուզում եմ, որ դուք ինքներդ ընտրեք՝ ո՞ր ճանապարհով գնալ, ի՞նչ թողնել անցյալում, ի՞նչ վերցնել ձեզ հետ։

​

Իմ մոտեցումը

​

Ես հավատում եմ՝ յուրաքանչյուր հետևանք ունի իր պատճառը։ Մեր ապրումները, վարքագիծը, անգամ մեր վախերն ու դժվարությունները պատահական չեն։ Դրանք ունեն իրենց պատմությունը, և երբ մենք գտնում ենք այդ պատմությունը, փոխվում է ոչ միայն խնդիրը, այլ նաև մեր վերաբերմունքը կյանքի հանդեպ։

Շատ հաճախ մենք փորձում ենք պարզապես «վերացնել» անհանգստությունը, տագնապը կամ վախը՝ չհասկանալով, թե ինչու են դրանք ի հայտ եկել։ Սակայն, երբ մենք խորությամբ հասկանում ենք պատճառը, այդ զգացողություններն այլևս չեն կառավարում մեզ, այլ վերափոխվում են իմաստավորված փորձառության։

Իմ թերապևտիկ մոտեցումը կառուցված է այս սկզբունքի վրա՝
✔️ լսել և հասկանալ ոչ միայն այն, ինչ դուք զգում եք այսօր, այլ նաև՝ որտեղից է դա առաջացել,
✔️ բացահայտել այն անտեսանելի կապերը, որոնք ձևավորել են ձեր այսօրվա վիճակը,
✔️ օգնել ձեզ տեսնել ձեր կյանքի պատճառահետևանքային շղթան՝ ոչ թե որպես դատավճիռ, այլ որպես զարգանալու հնարավորություն։

 

 

Գիտական հիմքեր

​

Այս մոտեցումը հիմնված է տարբեր հոգեթերապևտիկ դպրոցների վրա, որոնք տարբեր ձևերով հաստատում են պատճառահետևանքային մտածողության կարևորությունը.

✔️ Կոգնիտիվ-վարքային թերապիա (CBT):

CBT-ում խոսվում է այն մասին, որ մեր վարքագիծը և զգացողությունները պայմանավորված են մեր մտածողություններով, իսկ մտածողությունները՝ նախկին փորձառություններով։ Եթե փոխենք սխալ վերլուծությունները (irrational beliefs), կփոխվի նաև վարքագիծը:

✔️ Պսիխոդինամիկ մոտեցում (Psychodynamic):

Այս տեսությունը խոսում է անգիտակցական պատճառների մասին, որոնք ձևավորվում են մեր մանկության և անցյալի փորձառություններից։ Անհանգստությունը, վախերը և այլ խնդիրներ՝ երբ չեն գիտակցվում, շարունակում են ազդեցություն ունենալ ներկայի վրա։

✔️ Հումանիստական թերապիա (Humanistic):

Հումանիստական մոտեցումը շեշտում է, որ յուրաքանչյուր մարդ ունի ներքին զարգացման և ինքնադրսևորման պոտենցիալ։ Բայց անցյալում ստացած վերքերը կարող են խանգարել այդ ներուժի բացահայտմանը։ Հասկանալի պատճառները օգնում են վերագտնել սեփական ներուժը։

✔️ Սոմատիկ և նյարդաբանական մոտեցումներ (Somatic, Neuroscience):

Ժամանակակից նեյրոգիտությունը ցույց է տալիս, որ անցյալ տրավմատիկ փորձառությունները բառացիորեն արձանագրվում են ուղեղում և մարմնում՝ առաջացնելով ֆիզիոլոգիական և հուզական արձագանքներ: Այդ արձագանքների պատճառները հասկանալը հնարավորություն է տալիս դրանք վերափոխելու:

​

 

Ի՞նչ է փոխվում պատճառները հասկանալով

​

Երբ մենք պարզապես պայքարում ենք հետևանքի դեմ, մենք հյուծվում ենք։
Երբ մենք հասկանում ենք պատճառը՝ մենք ազատվում ենք։

Այս մոտեցման շնորհիվ դուք կարող եք՝
✔️ Ավելի խաղաղ ընդունել ձեր ներկա վիճակը,
✔️ Փոխել այն բաները, որոնք իրականում փոխվում են՝ ոչ թե ուժով, այլ գիտակցումով,
✔️ Ավելի ինքնուրույն կառավարել ձեր կյանքը՝ դուրս գալով անցյալի ազդեցությունից։

 

​

 

Ինչու եմ ընտրել այս ճանապարհը

Որովհետև ես նույնպես եղել եմ տեղեր, որտեղ դժվար է եղել հասկանալ՝ ինչի համար արժե շարունակել։
Որովհետև գիտեմ, որ մարդուն փոխելու փոխարեն պետք է օգնել նրան հասկանա՝ ինչու է նա հիմա այսպես։ Եվ հենց այդտեղից սկսվում է ճանապարհը դեպի փոփոխություն։